ថ្ងៃទី១៣ ខែមីនា ឆ្នាំ២០២៥ ឯកឧត្តម អ៊ុំ សារឹទ្ធ ប្រធានគណៈកម្មការទី៩ ព្រឹទ្ធសភា និងជាប្រធានគណៈកម្មការកិច្ចការសភានៃក្រុមសភាជាតិកម្ពុជាAPF បានបន្តអញ្ជើញចូលរួមកិច្ច ប្រជុំគណៈកម្មការកិច្ចការសភាAPF ដែលបានប្រព្រឹត្តទៅក្រោមអធិបតីភាពលោក Hussein BOURGI ប្រធានស្តីទីនៃគណៈកម្មការកិច្ចការសភាAPF និងជាសមាជិកព្រឹទ្ធសភា បារាំង អមដោយលោក Sanya PRASEUTH ប្រធានក្រុមសភាជាតិឡាវAPF និងលោកJean-Baptiste LEGUEN ទីប្រឹក្សាគណៈកម្មការកិច្ចការសភានៅសណ្ឋាគារ Holiday Inn ទីក្រុងវៀងច័ន្ទន៍ សាធារណរដ្ឋប្រជាធិបតេយ្យប្រជាមានិតឡាវ។ ពិធីបិទកិច្ចប្រជុំបានប្រព្រឹត្តទៅក្រោមអធិបតីភាព លោក Sanya PRASEUTH ប្រធាន ក្រុមសភាជាតិឡាវAPF និងជាប្រធានគណៈកម្មការកិច្ចការបរទេសនៃរដ្ឋសភាឡាវ។